Heeso Dhacdooyin Sheekooyin Faalooyin intaba waa halkan
Lamaane music center 
Home Aflaan moveis Live chat room Somali music Free Download Heeso qoraal Free sms sports ciyaaraha ra,yigaada iga soo wac call me

 Ka dirso massage wadmo dhawr ah  ay isku wada jiraan Yurub Amerika Aasia

arag wadamo kale  waxaa idin sahlay barmaj ka lamaane
 
 

 

Jacayl kala awood weyne
kii iilka dhigay qays
laylana ag seexshaa
ana igu abuurmoo
oogaduu ku faafoo
diiday inaan adkaysto
iikaa asqeyoo igu kaa
eryaayee ogow naftaa
kuu ooman adigeee hee
imisaa adoo kale arji
ila timadoo oofin maayo
aan idhi awadaa uu joojee
wadnahay i ololeyee ii dhigo
abaalo arintayda meel mari

Axdi been lama galoo
wacad lama ilaawoo
ruuxii ku aaminaa
lagama indhasaabtee
afar sano iyo dheraad
arimahaan dhisaynee
aan is idhi idlaadeee
wadiigii firdheeyee
ogow naftaa kuu
ooman adigee imisaa
adoo kale arji ila timidoo
oofin maayo aan idhi
awadaa u joojee
wadnahay i ololeyee ii dhigo
abaalo arintayda meel mari

Ma ogtahay aduunyada
rabi inuu ku uumaay
hablo kaa asluub wacan
ee kaa ilwaad qurux
ama aynigaadaa ana
aanan ka oodneyn
waadigan i agmaraye
sidaan ahayba eegine
ogow naftaa kuu
ooman adigee imisaa
adoo kale arji ila timidoo
oofin maayo aan idhi
awadaa u joojee
wadnahay i ololeyee ii dhigo
abaalo arintayda meel mari

Cabdi Nasir Macalin
Dhul biyuhu maraanoo
Xareeduna baliga taal
Wacan bay ku dhalatiyo
Dhul barwaaqo ah ood garan

Bidhaanteedaan waayoon
Baadi doon ku waashee

Bariga ay ku nooshaa
Shinbir buuba igu tidhi

Bararkeeda oon barkadiyo
Basharkeeda ayaan u bogaya
Bishan dhexdeeda oon helaan
Boqal aan soomaan balan ku qaadee
Bilaash laguma dhaartee.

Buurahan Jecleeystiyo
Bartii muuqa dheerayd
Badhtankeediyo
Baladwayney ku nooshee

Boqolka soo baxaayaay
Shan iyo Tobnaadeey
Baahida aan kuu qabo
Barniyeey
Bidhaan Aragaa ha iga tagin.

Labbad

Bootin Dheer Bureeqa oo
Baalasheedii Fidisoo
In ay buubto biloowdoo
Bilcin nadii ka boodaay
Barigii aan is baranaan
Wadnaha boog ku yeeshee
Beerkii bay damqadayoo
Boqoduhu kuu basaasee
Badda casbaan ku gaynayaa
Biyo Janaan kusiinayaa
Bogeeyga waan ku saarayaa
Badbaado ood aragtiyo
Barwaaqo oo aan gaadhnaan
Bilaahi kuugu marayaa.

Buuraha aan jecleeystiyo
Bartii muuqa dheereeyd
Badhtankeediyo
Baladweeyneey ku nooshee

Boqolka soo baxayaay
Shan iyo tobnaadeey
Baahida aan kuu qabo
Barniyeey
Bidhaan araga ha iga tagin

Xasan Adan

Caashadu ilaahay
cirka taagay udubli
ciidana ka dhigay gogol
wabiyada cartamayiyo
cidhifyada bad kaga xidhay
iyo buuraahaa culus
cimrigeed aduunyadaa
waxa jiraa col iyo nabadee
caydhiyo nin xoola leh
iyo laba is caashaqay
caawana kamay tagin
caynkaynu ku ogeyn
adna calafka kuu qoran
cuuna seegi maayee
caashaqa ha baayicin

Magool

Cadadkuu ilaahay
caradeena joojee
aadan ciida ka alkumay
xaawana cadkiisiyo
feedh calaanta laga dhigay
cishadaa ma uuneyd
caawana ma nooshahay
caqliga sidaa hadalkuye
carab dalab la sheegee
ceeryaamo iyo boodh
ciiro ha isku qarinine
noloshayda caydh iyo
cilmi guraan ku fadhiyin
ku caar caari maaye
caashaqa iska ilow

Xasan Adan

Xalaytabao caweskii
canabay daruuruuhu
cimidh bay ahaayeen
caawana lagu ma oga
wakhtigii ku ciiliyo
cisigiyo wanaaguna
way is daba caraabaan
waxana kuu cadayn kara
caamiyaha indhaha liyo
ma ogtahay curyaankaba
cago loo ma waayine
caynkaa wax loo yidhi
ku wa cararayee ladan
inay ku cibro qataan
caashaqa ha baayicin

Magool

Bada caarid maalmaha
cawa daranta fiidkiyo
caddadaa walaala
cadcedii timaadaan
dadka ruux cadibanoo
waayhuu ku ciiriyo
mid caruusa yaa jiroo
caad iga ma saarnee
ee cilmiyada ilaahay
anigoon aan casiyin
cabsi ha igu galine
adigoon cuud dhaqan
caashaqan ku taabtaan
cudurdaar u yeelee
ceeb kale miyaan dhigay.

Cajebey cajiibeey
Cawo iyo ayaaneey
Caqligaad xadaysaa
sida geed cal iyo buur dheer
Carro-hodan ku yaalloo
Cokanoo irmaanoo
Dhirta kale ka caynoo
Hoobaan casuus lihi
Laamaha is-celisoo
Ubaxuna tin iyo cidhib
Kaga dhigay cabbaadhyiyo
Dusha sare caleentii
Cidhifka is la gaadhaan
Biyo wada cabteenoo
Haddaan lay cadaabayn
Rabbi ii cadhoonayn
Dadku in ku caashaqo
Madowgiyo caddaankuba
Ku caleemo saaraan
Sow kuma canaanteen

Cad waxaad wadaagtaan
Dhulka oo cagaarloo
Cosobkii is gaadhiyo
Cagta meel la saaroon
La cuskado la haynoo
Fiid cawl horaantii
Cirka oo daruuruhu
Ku dhigeen canjiidaha
Dayixiyo cadceeduna
Cidhifyada ka joogaan
Sagal caasha saaraad
Biyo wada cabteenoo
Haddaan lay cadaabayn
Rabbi ii cadhoonayn
Dadku in ku caashaqo
Madowgiyo caddaankuba
Ku caleemo saaraan
Sow kuma canaanteen

Sida faras cag fududoo
Cadda horor yaqaannoo
Gulufkiyo colaadaha
Ninka lihi cad goostaa
Raggu kuu cugtamayaa
Cimri dherer hadhkaagaan
Inay kula caweyaan
Culimada jacaylkee
Cawdeyda gooysee
Ii cadaadinaysaa
U calool yoobayaa
Biyo wada cabteenoo
Haddaan lay cadaabayn
Rabbi ii cadhoonayn
Dadku in ku caashaqo
Madowgiyo caddaankuba
Ku caleemo saaraan
Sow kuma canaanteen

 

 
Cumar Shooli
Wanaag baan kugu ogaayeey
waligay kuma ilaawoo
waxuunbaa ku walaacinaaye
walaalnimo aan ku waarno
wadnahaygii baad ahaydee
taan dunida ka weheshenaayey
dadkoo idil ka daawanaaye
daawadii naftay ahaydey
samantaa la wada wadaagaa
hoy sirta laga wada xumaadaa
subaxdii eebe keenaba
su'aal baad igu wadaayee

Waagii baryaba naftaydaay
adaa walaac ku abuuree
maxaa waajib weyn na saaran
adna aad ka weecanaysaa
wadnahaygii baad ahaydee
taan dunida ka weheshenaayey
dadkoo idil ka daawanaaye
daawadii naftay ahaydeey
samantaa la wada wadaagaa
hoy sirta laga wada xumaadaa
subaxdii eebe keenaba
su'aal baad igu wadaayee

Warsan baan kugu ogaayey
waaxyahaygii baad ahaydee
wadajirkeena oo wacan
maxaad u wareerinaysa
wadnahaygii baad ahaydee
taan dunida ka weheshenaayey
dadkoo idil ka daawanaayeey
daawadii naftay ahaydeey
samantaa la wada wadaagaa
hoy sirta laga wada xumaadaa
subaxdii eebe keenaba
su'aal baad igu wadaayoo

Lafoole

Welwel iyo walaaciyo
kama baxo wareeree
qurbaan waayo joogee
waa la igu waashee

Wadanka aan jeclaa iyo
gacaladi wacneeydiyo
waalidkii i dhalay
kama helo waraaqoo
weeydiimahaan diro
jawaabtoodi waayee
warba iima keenaan

Dadaoow dadooow ha hahaa
dadoow yaan wakiishaa
iiga soo waramo oo
ana iga wargeeyoo
jano laga waraabshaa

Wehel la'aanta kaligeey
goorwalbo i haysiyoo
waxyeeladan ii gaarka ah
oon la ila wadaageeyn

Nafta anaa ugu wacanoo
hilbkeeygi wadhayoo
ugu wacay dugaagee

Doorbiday waraabaha
halki la igu weeraray
waqtigaa i geeyee


Dadaoow ahaa haa
dadoow yaan wakiishaa
iiga soo waramo oo
ana iga wargeeyoo
jano weeyne geeyaa

Waabeey qadhaadhiyo
sunta anaa walaaqdoo
anigaa ku shubay weel
oo kaba waraabee

Diyaradoo oo warkeeyga
hadba wadan u raacoo
ku walabaday hawado

Anaa diiday waan
xiisaa i wadayoo
waqalbaa ii hilacee


Dadaoow ahaa haa
dadoow yaan wakiishaa
iiga soo waramo oo
ana iga wargeeyoo
jano laga waraabshaa

Fadumooy jaceylkanii

waa fiid baxayoo

kufidaya feeraha

 

Sida ruux la falay ban

fiidkii habenimo

kaligay faqayaa

 

Waa kaan igu fogaadee 

oo fiyoobideydiii  

kama foga agtaade

 

Waa anago farashiyo

farxad aan wadaagnoo

Faysal ii xanbartoo

farax daadaheysaa 

 

Fadumooy jaceylkani

waa mid  iga facweynoo

fala dheer u bahanee

 

Dadka faraha maran iyo

faqrigoo u jecel yahay

iga furo dhibatada

 

Farxadii jaceylka

oo fiyoobideydiii  

kama foga agtaade

 

Waa anago farashiyo

farxad aan wadaagnoo

Faysal ii xanbartoo

farax daadaheysaa

Kinsi Xaaji
Taariikhdu waxbey hagtaa
dadkuna wuu haybsadaa
adduunkuna waa hayaan
hirdooglaa lagu socdaa
hogaankuna waa casriga
naftaadana lama hagrado
kheyrkaa ka hadh waa habaar
heeryadan aad sidatiyo
heylahan waa laga ilbaxay
salaanka aad halabsatide
makuu gacan haadiyaa
haneedka makuu qabtaa
hobaanta makuu guraa

Cadar Axmed
Habeenoy hebedka geel
hashaan maqasha iska celin
haraantin taaney dhalin
markey hiigaan nirguhu
jilaalkii bey hadhaa
hambana waa la isku nacay
higaadana igu afgaro
dharaarba ninkaan ka helo
habeenkii kuma dhexee
hantidu wey ii dhan tahay
xishood hodan baan ka ahay
xayihii baan soo huwadey
hablaha soomaaliyeed

Khadiija Hiiraan
hayaay waa loo dhintaa
hagoogtaa waxa lahaa
kuwii waa heermi jirey
dharkaa hayruufayana
sidaan sheekada ku heley
hadii aanad meelna jirin
ruuxii kuu hiiliyana
inaad yeeshaa haboon
haraaga nin laa tabee
hurdaay reerkeenii guur
horseed kuu baaqey iyo
kusoo heley baan ahee
makuu gacan haadiyaa
hoobaanta makuu guraa

Faduma A. Ilmi (Haldha)
Haldhaa baa la yidhaa
heensihii baan wali sitaa
hidihii la wada yiqiin
asluubtii hooyadey
hormuud baan dhaqan u ahay
inaan hin gashaan jeclahay
huf iyo been kuma lugo'o
hirkaa qaawinida dhalay
in lagu hoobtaan ogahay
haboowdaye waxaan ku idhi
hugaaga iyo kaan xidhnahay
labada kee haybad wacan
hilbona keenee asturan

Ima ogide waxan ahay
Axdi kuma cayaaro
Ima ogide waxan ahay
Ilaahay usamiroo

Waxan uur habreed galey
Awliyo tilmaaniyo
Afagaale iyo dirir
Agnamaarku wacanyahey

Ifkana waxaan usoo baxay
Aroor samadu furantoo
Imaankiyo kalgacalkuna
Iskuna keen Amaaneen

Sida ayro geelbaan
Kuu olalayaayo
Sida Ubad aan dhalaybaan
Kugu uur fayooboo
Sida olol la shidaybaan
Il dheer kaa arkaayo
Sida ubax labeerey
Indhu kugu farxaano
Sida Aayad diinaan
Afka kugu hayaaye
Adiguna aqoonsoo
ili dhehoo
docdaada ogoow


Ima ogide waxan ahay
In xun lama tusaanoo
Ima ogide waxan ahay
Samaa ruux loo uumoo

Waxan uur habreed galey
Afar iyo tobnaadiyo
Urur dayax la xero galey
Afku rooble iyo nabad

Aduunyada waxaan imi
Maalintii Islaamkoo
Lagu Iidey Xaramkoo
Ibliisku Uu xidh xidhanyey

Sida sheekh asluub laan
Kuu Amaanayaayoo
Sida uduga doogaan
Kuu iimaansadaayo
Sida oogadaydaan
kuu ilaaliyaayoo
Sidii nabi Ayuubaan
Adi kuu samraayoo
Sidii Abaa Hurayraan
Kuu Aaaminayaayoo
Adiga iyo Naftaydaan
Ifka ugu Jeclaayee
Adigu aqoonsoo
Ili dhehoo
Docdaada ogoow

Indhahayga aragtidaada
aadbay ugu farxaayaane
adoo kale aadmigaba
kumaan aragee
ubax caro ka baxay iyo
xidadiisu qalbiga
kasoo baxay ayaad tahee
axdi meel ma dhiganaa
macaan mays aroosnaa

Hablaheena kolkaan eego
aado ugu ilwaad quruxey
afkeygu amaantaada
gacaloy u fududaayee
inkastoo adduunyadu
ay tahay ayaan qudha
adaan kaa ishaartee
axdi meel ma dhiganaa
macaan mays aroosnaa

Lafoole

Nuurkii indhaha iyo
Nafta raaxadeedaay
Taan nasiibka ku hamiyaay
Calaf ineey u noqotaay

Ku nagaatay labtoo
Nuudayaasha beerkiyo wadnaha
baad ku nabantahayee

Naruuradii jacayl kaay
Sharka laga nasahayee
Sidii nirigta maandeeq
Naxariista eegmada
Ugu soo noqnoqotaan
Bilaneey kuugu nugulahay
Niyadeeydu gacalooy
Mideey naawishaad tahay

Tii nacab iblaysiyo
Naxli laga fogeeyaay
Noocii ijaabada
Tii lagu nisbeeyaay
Nooci ijaabada
Tii lagu nusbeeyaay
Nasteexadii Ilaaheey
Tii aan ka nooginee
Naajax ku ahaydee

Nugul laba u kala roonee
Naqa iyo abaartuye
Soow laabta umaad noqon
Dagarka iyo doogii

Nacas lama amaanee
Naagaba adoo wacan
Nin raga saamigii siyee

Naruuradii jaceeylkee
Sharta laga nasahayee
Sidi nirigta maandeeq
Naxariista eegmada
Ugu soo noqnoqotaan bilaneey
Kuugu nugulahay
Niyadeeydu gacalooy
Mideey naawishaad tahay

Onkod roobku madaayo
aarna taaha madaayo
anna taa ma ilaawoo
jacayl ood rogan maayo
oon hilaac bi in maayo
ayro weerar madaayo
ninlihi aamusi maaayo
ergo geesi madiidoo
ilaah tiisu ma oosho
calaf la iska ma ooto
ubax dayr ma qarsoomo
godka lay iskuma aayo
ifka la isu tudhaayee
iilka la isma gar gargaroo
aboor la iskama baajee
nabsi hayga amaahan
axdigii ina dhex yiiliyo
ha iloobin aqoontee.

Asaagay usha toosan
iyo ooda hagaagsan
hayiinkii asabaadee
madigii afar deeqa
inantiina ilwaadsan
ee asluubi u dheer tahay
sidaan u asteysto
kuu eegana yaaye
hadaan aamin idhaahdo
waa aqoonta haweene
oo rag iiga danbeeyo
halka ay ka cawayso
uur ku taalada maada
arimidiisa jacaylka
anigu soo dhaxli maayo
nabsi hay iga amaahan
axdigii ina dhex yiiliyo
ha iloobin aqoontee.

Sida oogta hilaaca
ileyskeeda cadceeda
amaantaada libaaxa
malaa waanad ogeyne
ayaan uurkiyo maanka
wadnahayga agtiisa
sida aayad ku taalaa
uumiyaha u tusaayee
haadii aanu ibleysku
iga kaa anbineynin
inaad ii tudhi weydo
eegi maayo koley
arin kuuma hambeynee
araartii haku deeqdo
sina hayga adkeysan
nabsi hayga amaahan
axdigii ina dhexyiiliyo
ha iloobin aqoontee

Cabdi Nasir Macalin
Qamaray jacalyku
quraan layska saariyo
wax ka qabasho leeyahay
qudhii qays markuu jaray
layla qolka galiyaaba
hore looga quustee
qaburaha inaan galo
haatan ii qorsheysee
qilaaf iga hor keentee
waa inoo qiiyamaha

Dhulku kala qaboobe
meelan qaxar lahayniyo
bidhantii qoryooley
qaadir kugu abuuryeey
indho qabad wanaagey

Sida roob qayoodoo
qaboonada intuu gaadhay
dhirtu wada qarsoontee
qaybisay midhaha iyo
lagu soo qamaamiyo
qool baxay la moodyey
adigaa i qoomoo
qancimaayo jeeraan
isu qayb ahaaniyo
quud aan waadaagnee

Dhulku kala qaboobe
meelan qaxar lahayniyo
bidhantii qoryooley
qaadir kugu abuuryeey
indho qabad wanaagey

Lafoole

Dumarkaba Aduunbaa
iigu dhaga nuglaayoo
aan soo dhaweeyee

Dhaawicii horeen qabey
waxad tahey dhakhtaradii
mudo iga dhayeeysoo
waad i dhiiri galisee

Hadii aad dhaqaaqdood
inaad dhoofto jeceshahey
gaadhigaa dhakhsanayee
kusidaa ma dheeliyo
uma seexdo dhinacyada

Ilaahey dhantaalkiyo
kuma tuso dhibaatoo
ayaan dhalad nasiibliyo
mid hoodale hakaa dhigo

Adaa dheeman iyo luul
iyo dhagaxa dahabka ah
qiimiga wax dheeroo

Adigaa dhir ubax
iyo dhool aroor da'ay
dhul xareedi wadhantahey
uga dhigan nafteeydee

Haduu taarku soo dhacey
dhawaan soo bax kugu yidhi
dharaar qudha aduunyada
hanti aad ku dhaqatiyo
ha ka waayin dharagoo

Ilaahey dhantaalkiyo
kuma tuso dhibaatoo
ayaan dhalad nasiibliyo
mid hoodale hakaa dhigo.

Siciid Mire

Amraney waa idlaatay taladiiyee
amraney waa ayaamo qaybtiyee
waa la gaaray iidiiyee
waa inoo aroos wacan

Faduma Duur

Asadow waa aayaheeniiye
asadow waa uur samaantiiye
waa aqal galkeeniiye
waa inoo aroos wacan

Siciid Mire

Amraney ileys baa inoo baxayee
amraney uubaxiina waa korayeey
alla mahadii weeyaane
waa inoo aroos wacan

Faduma Duur

Asadow waa aaminteeniiye
asadow waa edig caashaqe
waa ulaad dugeeniye
waa inoo aroos wacan

Siciid Mire

Amraney waa dilaacay oogiyee
amraney waa ahaatay teeniyee
waa ishaaro kheyr badane
waa inoo aroos wacan

Kinsi

Wajiyaal is xasuustaa
indha aan kala waarin
nafa aan isba waayin
laba aan kala weecan
wadnayaaal is jeclaada
wadku daayo oo raagga
ha wadeeca asqeynin
ha wadaagaan xaanaano
inagaa ku wacneyne
maxaad iiga wareegtey

Xarago

Sida waxyaha jiidhka
wadnaha iyo diirka'
halbawlaha is waraabsan
u wadaagney jacayl
markuu kaaga waraaqshey
ee wadeeca ku taabtey
inaaan kaaga wareego
waaqla kaaga dhaqaaqo
hadii uu wakhti keeney
nin wax saarle miyaan ahay ani

Kinsi

Walbahaarka jacaylka
sida weyraxa geelu
ilmaha ugu wareegaan
kugu weehanayaaye
hadii aad wakineyso
ood ka wiiqan tahay dhuuxa
wari caashaq ku raacdey
warka maan ka dhigeene
inagaa isku wacneyne
maxaad iiga wareegtey

Xarago

Wiyiisha ubadkeeda
waxa jooga adduun
iyadaa ula wanaagsan
kolka waayuhu liico
dani ay ka wadaayee
hadii aynu isweyno
walaac waa ku dilaayoo
waa wareegto adduunku
hadii uu wakhti keeney
nin wax saarle miyaan ahay ani